Blogger Tips and TricksLatest Tips And TricksBlogger Tricks
Showing posts with label John Magufuli. Show all posts
Showing posts with label John Magufuli. Show all posts

Rais Magufuli Aokoa Bilioni 1.2/- Jumuiya ya Afrika Mashariki (EAC)

JITIHADA za Rais John Magufuli katika kubana matumizi yasiyo ya lazima serikalini, ambazo alizihamishia katika Jumuiya ya Afrika Mashariki (EAC), ikiwamo kuzuia safari zisizo za lazima katika jumuiya hiyo, zimewezesha kuokoa zaidi ya Sh bilioni 1.2.

Rais Magufuli ni Mwenyekiti wa Jumuiya ya Afrika Mashariki na aliahidi kuchukua hatua za kubana matumizi yasiyo ya lazima na ikibidi kutumbua watendaji wa EAC, baada ya kuchaguliwa kushika wadhifa huo Machi mwaka huu jijini Arusha.

Katibu Mkuu wa EAC, Balozi Liberat Mfumukeko alisema jana jijini hapa kuwa jitihada za kubana matumizi yasiyo ya lazima, zimeokoa Dola za Marekani 588,768 (zaidi ya Sh bilioni 1.2) ndani ya kipindi cha miezi mitatu kuanzia Mei hadi Agosti mwaka huu.

Akizungumza na waandishi wa habari kwa mara ya kwanza tangu ashike wadhifa huo Aprili mwaka huu, Balozi Mfumukeko alisema kiasi hicho cha fedha kiliokolewa kutokana na kubana safari zisizo za lazima za watumishi na watendaji wa jumuiya katika kipindi hicho.

“Utekelezaji wa ubanaji wa matumizi yasiyo ya lazima unategemewa kuokoa dola za Marekani milioni sita kwa mwaka huu wa fedha 2016/2017 na tutakuwa tunatoa taarifa hizi kwa watu wa Afrika Mashariki kila baada ya muda,” alisema Balozi Mfumukeko ambaye ni Katibu Mkuu wa Tano wa EAC.

Kuhusu mafanikio ya utekelezaji wa makubaliano mbalimbali ya jumuiya hiyo, Balozi Mfumukeko alieleza kwamba utekelezaji unaendelea vyema pamoja na changamoto mbalimbali zinazojitokeza.

Alisema katika utekelezaji wa kuwa na vituo vya ukaguzi wa mizigo vya pamoja mipakani, vituo 10 kati ya 15 vinatekeleza ukaguzi huo kwa mafanikio na kupunguza gharama za kufanya biashara.

“Kutokana na vituo hivyo kuanza kazi, hivi sasa kusafirisha mizigo kutoka Mombasa hadi Kampala inachukua siku nne badala ya siku 20 za awali, jambo linalowasaidia wasafirishaji kupunguza gharama za kufanya biashara,” alisisitiza.

Tangu alipoingia madarakani, Rais Magufuli amedhibiti mianya ya rushwa ikiwemo kupunguza safari za nje pamoja na kutumbua majipu mbalimbali kwa nia ya kubana matumizi sanjari na kuhakikisha kila mtu ananufaika na matunda ya nchi yake pamoja na kurejesha heshima ya kazi kwa watumishi wa umma.3

Rais Magufuli kafanya uteuzi mwingine leo May 23 2016

May 23 2016 Rais wa Jamhuri ya Muungano wa Tanzania John Pombe Magufuli amefanya uteuzi wa viongozi wawili wa serikali, taarifa iliyotolewa na Katibu Mkuu Kiongozi Balozi John Kijazi leo imeeleza kuwa Rais wa Magufuli amemteua Gerson J. Mdemu kuwa Naibu Mwanasheria Mkuu wa Serikali. 
Kabla ya Uteuzi huo,  Gerson J. Mdemu alikuwa Karani wa Baraza la Mawaziri (Cabinet Clerk), Mdemu anachukua nafasi iliyoachwa wazi na Tulia Ackson ambaye amechuguliwa kuwa Naibu Spika wa Bunge la Jamhuri ya Muungano wa Tanzania.
Wakati huo huo, Rais Magufuli amemteua Profesa Longinus Rutasitara kuwa Mshauri wa Rais, masuala ya uchumi. Kabla ya uteuzi huo Profesa Longinus Rutasitara alikuwa Mhadhiri wa Uchumi katika Chuo Kikuu cha Dar es salaam na uteuzi huu umeanza mara moja.
3

Aliyempiga Chenga Rais Magufuli, Anaswa na TRA

Mamlaka ya Mapato Tanzania (TRA) imemtia mbaroni mfanyabiashara aliyepiga chenga agizo la Rais John Magufuli la kuzuia uingizaji sukari kutoka nje, badala yake akaamua kuingiza shehena ya bidhaa hiyo kwa njia ya magendo.

Mfanyabiashara huyo, Yusuph Barakati Saleh alikamatwa na TRA akidaiwa kumiliki mifuko 896 ya sukari iliyoingizwa nchini kupitia bandari bubu katika Kijiji cha Njianne, Kilwa mkoani Lindi.

Hatua hiyo imekuja takriban miezi miwili baada ya Rais Magufuli kutangaza kwamba hakuna vibali vitakavyotolewa kuruhusu uingizaji wa sukari, ili kuvilinda viwanda vya ndani.

Sukari hiyo iliyoingizwa nchini kutoka India na Brazil, ilikamatwa na timu ya doria ya TRA (Fast) usiku wa kuamkia Jumatano.

Timu ya Fast na Polisi ilibaini shehena hiyo ikiwa  imehifadhiwa katika ghala, sehemu ikiwa imebadilishwa vifungashio na kutumia mifuko yenye nembo za viwanda vya Kilombero, TPC na Mtibwa ili ionekane imezalishwa nchini na kuingizwa sokoni.

Pia ilikuwapo sukari ambayo haikuwa imefungwa kwenye mifuko, bali ilikuwa imerundikwa kwenye turubai ikionekana kulowa maji.

Mwandishi alishuhudia sehemu ya sukari hiyo ikitiririka maji ya rangi ya kahawia, na ilidaiwa kuwa maji hayo yamekuwa yakikusanywa na kuingizwa sokoni kama asali.

Pia katika eneo hilo zilikamatwa bidhaa nyingine ambazo ni katoni 223 za betri za redio aina ya Tiger, katoni 135 za hamira na katoni 48 za sabuni.

Katika ghala jingine ambalo inasadikiwa ndimo shughuli ya kubadilisha vifungashio hufanyika, vilibainika vifaa mbalimbali kama mashine ya kusaga, jenereta, mzani, malighafi za kutengenezea mifuko na mashine za kushonea mifuko hiyo.

Mkurugenzi wa Elimu kwa Mlipakodi wa TRA, Richard Kayombo alisema bidhaa hizo zilikamatwa na kikosi hicho cha Fast, ambacho hufanya doria maeneo mbalimbali na kukamata bidhaa za magendo kwa kushirikiana na polisi.

“Kazi hii imetokana na juhudi za wananchi wema ambao wametupa taarifa na kikosi chetu cha Fast kwa kushirikiana na polisi wamebaini kwamba vitu hivi viko hapa,” alisema Kayombo. Alisema ghala hilo liko chini ya ulinzi na mzigo wote ambao umekamatwa utataifishwa na hatua za kisheria zitachukuliwa kwa wahusika.

Kayombo alisema pia ilikamatwa mifuko mitupu 2,000 yenye uwezo wa kujaza kilo 25 kila mmoja na mingine 36, 000 ya kilo 50 kila mmoja.

Alisema pia kuna mifuko 1,150 ya viwanda vya Tanzania iliyotumika ya kilo 25 kila mmoja, madumu matupu ya mafuta ya kula 609 ya lita 20 kila moja na mengine 310 ya ujazo wa lita 10 kila moja.

Akizungumzia athari za bidhaa hizo, Kayombo alisema kuwa ni pamoja na madhara ya kiafya kwa watumiajai na kwa uchumi kwa kuwa Serikali inapoteza mapato.

“Hatuwezi kuwa na uhakika wa ubora wa sukari hii maana itakuwa haijapita Shirika la Viwango (TBS), wala Mamlaka ya Udhibiti wa Chakula na Dawa (TFDA),” alisema Kayombo.

Kayombo alisema TRA inakabiliwa na changamoto kubwa ya kupambana na bidhaa za magendo ambazo huingia kupitia bandari 11 bubu zilizomo wilayani humo.

Bandari hizo ni Kilutu, Kiheli, Sueli, Shuka, Mayungiyungi, Milamba, Mapimbi, Limayao, Kisongo, Kimwera na Nchinga.

Mmoja wa wakazi wa kijiji hicho alisema kuwa amemfahamu mfanyabiashara huyo na shughuli hizo tangu mwaka 2008 na amekuwa akishusha mizigo hiyo wakati wowote, huku vijana wakijipatia ajira za muda.

“Huyu jamaa alikuwa hachagui muda wa kuleta mizigo, alikuwa akileta muda wowote, usiku na mchana kwa sababu hapakuwa na mtu wa kumghasi,” alisema mkazi huyo ambaye hakutaka kutaja jina lake.

Alisema mfanyabiashara hiyo amekuwa anawauzia bidhaa hizo wenye maduka na hata wanakijiji wamekuwa wakinunua sukari hiyo.

Mkazi mwingine alisema licha ya kumuona mfanyabaishara huyo akishusha mizigo yake mara kwa mara, alikuwa hajui kama bidhaa hizo ni za magendo.
3

Zawadi Rais Kagame aliyompa Rais Magufuli baada ya kufika kijijini kwake Rwanda

Baada ya Rais Magufuli kufanya uzinduzi wa kituo cha pamoja cha maswala ya Uhamiaji kitachokua kina Maafisa wa uhamiaji wa Tanzania na Rwanda kwa pamoja (jengo la pamoja litalofanya kazi za uhamiaji kwa nchi hizi mbili), na kuzindua daraja la kimataifa vyote hivyo vikiwa mpakani mwa Tanzania na Rwanda, alielekea Rwanda kuendelea na ziara yake.
Unaambiwa Rais Kagame alimkaribisha Dr. Magufuli kijijini nyumbani kwake na kumzawadia Ng’ombe watano kwa mujibu wa Mwandishi wa habari Kebendera wa Radio na TV ya Taifa Rwanda, ambapo anasema kwa Rwanda ni heshima kubwa sana unapozawadiwa Ngo’mbe.
Rais Magufuli na Rais Kagame nyumbani kijijini kwa Rais Kagame nchini Rwanda
Rais Magufuli na Rais Kagame nyumbani kijijini kwa Rais Kagame nchini Rwanda, picha imepigwa na ofisi ya Rais Rwanda.
Mwandishi Kabendera anasema ‘Sikumbuki kama kuna Rais aliwahi kuitembelea Rwanda akazawadiwa Ngo’mbe kama Dr. Magufuli, hii imemaanisha ni urafiki tena ule urafiki wa ndani, Rais Kagame ameonyesha undugu na urafiki tofauti na alivyofanya kwa Marais wengine’
Kabendera anasisitiza zawadi ya Ng’ombe ni zawadi yenye thamani sana nchini Rwanda, kugawiana Ng’ombe ni kitu kimekuwepo toka enzi za mababu, mtu anayekuzawadia Ng’ombe ni mtu anaekupenda sana na kukuheshimu, Wanyarwanda wameitafsiri hii kama undugu na urafiki tofauti na anavyofanya Rais Kagame kwa Marais wengine.
3

Taswira Mbalimbali Za Rais Magufuli Na Rais Kagame Wakiwa Nchini Rwanda


Taswira Mbalimbali Za Rais Magufuli Na Rais Kagame Wakiwa Nchini Rwanda
3

Rais John Magufuli Awashukia Umoja wa Afrika Mashariki Kuhusu Gharama za Mikutano ndani ya Hotel ya Ngurudoto Badala ya AICC

Wakati Rais Magufuli anatoa hotuba ya kufunga mkutano wa Afrika mashariki, uliofanyika ndani ya ukumbi wa Ngurdoto, alitema cheche zake na kuwapa picha halisi watu wa afrika mashariki, kuhusiana na ubanaji wa matumizi.

Rais anashangaa kwanini mikutano ya afrika ya mashariki ifanyike kwenye hoteli ya Ngurdoto wakati kuna ukumbi wa AICC ambao hauna gharama kama zinazotozwa na hoteli ya hadhi ya Ngurdoto. Rais Kenyatta aliinamisha kichwa huku akicheka, wajumbe wote kwenye ukumbi wakauelewa ujumbe wa ubanaji wa matumizi.

Lakini ni Ngurdoto hii hii ambayo wakati awamu ya nne inaanza kazi, ilihodhi semina elekezi, ambayo ilitumia fedha nyingi. Sina uhakika, nadhani kwamba mmiliki wa hii hoteli atakuwa ni mmoja wa vigogo wa nchi hii, hivyo tenda za uhakika kama vile semina elekezi na mikutano ya east africa, huwa ni kipindi cha neema.

Sekretarieti ya east african community imekumbushwa kuwa watu wa ukanda huu ni masikini, hivyo wasipende anasa za ajabu ajabu. Ni ujumbe mzuri, ila mmiliki wa hoteli ya Ngurdoto atauchukia sana uongozi mpya wa Rais Magufuli ndani ya jumuia ya afrika ya mashariki, katangaziwa njaa tangu mapema kabisa. 3

Rais John Magufuli Awaaibisha Wale Waliokuwa Wanasema Hajui Kuongea Kiingereza

Unapozungumza jina la Dr John Pombe Magufuli ni jina lilopata umaarufu sana duniani kote kuanzia mwishoni mwa mwaka jana baada ya kuchaguliwa kuwa rais wa Jamhuri ya Muungano wa Tanzania ambapo kwa sasa Dr. Magufuli (CCM) ndio Rais wa Tanzania awamu ya tano , Magufuli ni raisi mwenye busara, mvuto kwa jamii, weredi, jasiri,mwenye huruma na wanyonge,mzungumzaji mzuri(good speaker) na mtu mwenye uwezo mkubwa wa akili (IQ and EQ).

Katika kipindi cha kampeni mwaka jana kulitokea uzushi uliosambazwa na wapinzani juu ya mgombea wa CCM hususani UKAWA kwamba mgombea wa CCM Dr. Magufuli hajui kuongea Kingereza. Uzushi huu ulienezwa kwa kasi na kufanya baadhi ya watu kuamini kuwa ni kweli, lakini kumbe sio kweli ilikuwa ni kutaka kumchafua kisiasa. Rais Magufuli aliposhinda uchaguzi na kuwa rais alianza kuwadhihirishia kuwa anajua kuongea kingereza pale alipokuwa anakutana na wageni mbalimbali Ikulu na kuzungumza nao kwa lugha ya kingereza na wapinzani hao kukaa kimya kwa aibu.

Katika mkutano wa 17 wa EAC Raisi Magufuli akiwa mwenyekiti wa mkutano huo AMEWAAIBISHA KABISA WAPINZANI WAKE KWA KUONGOZA MKUTANO WOTE KWA LUGHA YA KINGEREZA na kuzungumza kingereza fasaha kabisa kwa ujasili na ubora wake ule ule kama akiwa anazungumza lugha adhimu ya Kiswahili. Pia haikuishia hapo Rais Magufuli akawadhihirishia wana EAC kuwa yeye ni bora katika lugha kwa kuzungumza lugha zote za EAC kuanzia KIGANDA, KINYARUANDA, KURUNDI, KIJALUO, na kushangiliwa kwa makofi makubwa na wajumbe wa mkutano huo kwa uwezo wake huo wa kuzungumza lugha mbalimbali kwa ubora ikiwemo pia KINGEREZA NA KISWAHILI kwa ubora wa hali ya juu.

Sasa ujinga wa kusema Magufuli hajui kingereza utakuwa ni unyumbu kwani lazima ujiulize, je, leo Magufuli kashikiwa mdomo sio yeye aliyekuwa anazungumza? Je, alivyoongea watu walikuwa hawamsikii au?? Je, anavyokuwa Ikulu na wageni nyie Nyumbu ndio mnakuwa mnamsemea?? Je , PhD yake ninyi nyumbu ndio mliomsaidia kusoma ?? Ukitaka kujua wewe ni Nyumbu sema tena Magufuli hajui ongea kingereza wakati EAC wote wamejionea wenyewe Jembe JPM akiunguruma Ngurudoto na kutumbua majipu ya EAC kwa kutumia kingereza, kwa kweli ukisema tena Magufuli hajui kingereza utakuwa nyumbu tu , maana utakuwa huna akili bali wewe una yako mengine au wewe ndio hujui kingereza.

Kweli Magufuli ni GIFTED LEADER tulienaye Tanzania , Tumuunge mkono na kumuombea kwa Mungu amlinde azidi kututumikia watanzania wote kwa ubora na weredi, leo kadhihirisha kuwa viongozi bora Afrika wataendelea kutoka Tanzania. HONGERA MAGUFULI KUONGOZA VIZURI MKUTANO EAC NA KUCHAGULIWA TENA KUONGOZA EAC KWA MWAKA MMOJA ZAIDI. 3

Magufuli Aitikisa Dunia Kwa Uchapakazi......Jina Lake Latawala Magazeti ya Marekani, Afrika Kusini na Australia

Kwa wiki ya pili sasa Rais Dkt Magufuli ameendelea kuwa gumzo barani Afrika na sasa hadi nchi za Ulaya zimedata naye.

Gazeti kubwa la Marekani, The Guardian limeandika habari isemayo:What would Tanzania’s cost-cutting president do? Twitter responds.
Pai  gazeti kubwa la  Australia,The Courier-Mail limeandika makala ndefu likimtaka Waziri mkuu wao,  Malcolm Turnbull ajifunze achapakazi toka kwa Rais wa Tanzania,Dr John Pombe Magufuli
Jina lake linatrend muda wote kwenye mtandao wa Twitter na kadri siku zinavyooenda habari za utendaji wake zinazidi kuenea.
Katika mtandao huo wa Twitter, imeanzishwa Verb ya jina la Magufuli iitwayo  magufulify ambayo imepewa maana ifuatayo;

Magufulify – 
==>To render or declare action faster and cheaper;
==> To deprive (public officials) of their capacity to enjoy life on taxpayers’ money; 
==>To terrorize lazy and corrupt individuals in the society.”
Aidha, Mtandao  mkubwa Afrika Kusini wa The South African, umeandika habari iliyonukuu mambo 10 mazuri  yaliyofanywa na Rais Magufuli ndani ya muda mfupi huku mtandao huu ukimtaka Rais wa nchi hiyo ajifunze toka kwa Magufuli.
 
Mambo  10  yaliyoanishwa na mtandao huo ni kama ifuatavyo;

==>Here are some of the things John Magufuli has done already in less than a month:
  1. Soon after his election, Magufuli declared there would be no celebration of Independence Day on 9 December because it would be “shameful” to spend huge sums of money on the celebrations when people were dying of cholera. Instead, the day has been set as a national day of cleanliness, and the money will go toward street-cleaning services. He has said everybody should pick up their tools and clean their backyards.
  2. After his first official visit to the Muhimbili Hospital, and seeing the horrible state it was in, he ordered over 200 million shillings marked for “parliament parties” be used to pay for beds for people lying on the floor and sharing beds. A few days later 300 beds were delivered. He dismissed the governing board and got a new team in place, and within days the broken MRI was fixed. He also pared down his inauguration party from $100,000 to $7,000 and sent the extra money to the hospital.
  3. Three days into his term, Magufuli announced a ban on all foreign travel by government officials. They have been instructed to instead make regular visits to rural areas to learn and help solve problems facing everyday Tanzanians. All tasks that required officials to travel abroad would instead be done by high commissioners and ambassadors who are already in place.
  4. He has restricted all first- and business-class travel to government officials, except the president, vice-president and prime minister.
  5. There will be no more workshops and seminars in expensive hotels when there are so many ministry board rooms available.
  6. He suspended the Tanzania Revenue Authority’s chief and other officials pending investigations after a visit by Prime Minister Kassim Majaliwa to the port of Dar es Salaam found 350 containers listed in its books were missing.
  7. When he had to travel 600km to Dodoma, from Dar, to officially open parliament last week, he didn’t order a private jet – instead, he chose to drive.
  8. At the National Assembly in Dodoma last week he clearly sent out the message that it will not be business as usual under his leadership.
  9. He promised to cut public spending, fight corruption and enhance accountability in public service. He said it is time for Tanzanians to walk the talk.
  10. Magufuli reportedly told parliamentary leaders that the people of Tanzania want him to solve their problems and not make speeches.
Hakuna anayeweza kubisha kuwa Magufuli ameiweka Tanzania kwenye chart.
3

Breaking News: Rais Magufuli Afuta Sherehe za Uhuru Disemba 9..Atoa Agizo Hili..

Katibu mkuu kiongozi Ombeni Sefue amesema rais.John Pombe Magufuli amefuta maadhimisho ya siku ya Uhuru December 9 na kuagiza fedha zilizopangwa kwa shughuli hiyo zitengwe kwaajili ya kufanyia shughuli nyingine na pia akaagiza siku hiyo kutumika kwaajili kufanya usafi nchi nzima kwaajili ya kukabiliana na ugonjwa wa Kipindupindu.
3

Hapa Kazi Tu Inaendelea..Vitanda na Magodoro Yamwagwa Muhimbili Hospital...Ni Baada ya Rais Magufuli Kusema Haya

Jumla ya vitanda 500 na magodoro 500 vimeshushwa katika Hospitali ya Taifa Muhimbili jana Baada ya Rais Magufuli Kuamuru hela za kufanyia Sherehe yake zaidi ya mil 200 zitumike kununulia vitanda vya wagonjwa.
.
kuna watu wengine bhana kila kitu kupinga hata Yale yanayofanyika na tunaona yanastahili kupongezwa. Nani angeweza kuliko Tinga tinga
3

Ombi Kwa Rais Mstaafu Dr. Kikwete MPE Nafasi Rais Magufuli Ajitangaze..

Nakumbuka Mkapa baada ya kumaliza muda wake alipotea kabisa kwenye media kwa takriban mwezi nzima hadi tukawa na hamu naye, hii inatoa nafasi kwa rais aliye madarakani kujiamini kujenga confidence, na kutoa nafasi kwa wananchi kumjua vizuri rais wao mpya.

Majuzi uliita waandishi wa habari nyumbani kwako Msoga ukaongea juu ya Taifa stars, TV zinakuonyesha mara nyingi kuliko hata rais.

Juzi ulisahau kumkabidhi JPM kitabu tukakuona sambamba na rais, jana tena umeonekana ukiwa na rais mkihani msiba.

Leo utakuwa uwanja wa taifa sambamba na rais Magufuli tutawaona kwenye TV, dah!

Ombi langu kwa rais wetu mstaafu najua bado una hamu ya kuendelea kuonekana maarufu sawa, lakini muda wako umekwisha mpe nafasi successor wako naye ajulikane.

Kulikuwa hakuna sababu yeyote leo wewe na rais kubanana uwanjani.

Nawasilisha. 3

Video Ikionyesha Jinsi DK John Pombe Magufuli Alipokuwa Akiapishwa Kuwa Rais wa Tanzania Leo

Video Ikionyesha Jinsi DK John Pombe Magufuli Alipokuwa Akiapishwa Kuwa Rais wa Tanzania Leo Angalia Video Hapa :
3

YAMETIMIA:Dr John Pombe Magufuli Atangazwa Rasmi Kuwa Mshindi Wa Kiti cha Urais wa Tanzania kwa Asilimia 58.45

Tume ya uchaguzi ya Tanzania Bara (NEC) kupitia Mwenyekiti wake Jaji Damian Lubuva   imemtangaza  Rasmi  mgombea  Urais  wa  CCM, Dr John Pombe  Magufuli  kuwa  mshindi  halali  wa  kiti  cha  Urais  katika uchaguzi mkuu uliofanyika siku ya jumapili wiki iliyopita.

Kwa  Mujibu  wa  jaji  Lubuva, Dr  magufuli  amepata  ushindi  wa  kura Milioni 8 ( 8,882,935  ) sawa  na  asilimia  58.45%  huku  akimwacha  kwa  mbali  mpinzani  wake  wa  karibu , Edward  Lowassa (Chadema )  ambaye  amepata  jumla  ya  kura  Milioni 6 (  6,077,848  )  sawa  na  asilimia  39.97%

Dr  Magufuli  na  mgombea  mwenza, Samia Suluhu  watakabidhiwa  rasmi  vyetu  vya  ushindi  kesho  saa  nne  asubuhi  katika  ukumbi  wa  hoteli  ya  Diamond  Jubilee 3

Dr. Slaa Aanza Rasmi Kumpigia Kampeni Magufuli......Asema Lowassa Hafai Kuwa Rais

Siku chache baada ya chama cha ACT-Wazalendo kutoa tamko rasmi kuwa hawataweza kumruhusu Dk. Wilbroad Slaa kupanda kwenye jukwaa lao kumnadi mgombea urais wa chama hicho kwa sababu za kiusalama, jana mwanasiasa huyo ameanza rasmi kumpigia kampeni mgombea urais kwa tiketi ya CCM, Dk. John Magufuli.

Akiongea jana kupitia Star TV , Dk. Slaa aliweka wazi mtazamo wake kuwa Dk. Magufuli ndiye anayefaa kuwa rais wa Tanzania kwa kulinganisha wote waliojitokeza kugombea nafasi hiyo.

Dk. Slaa alisema kuwa amengalia kigezo cha mtu anayeweza kupambana na ufisadi na amempa Dk. Magufuli asilimia 90 katika kigezo hicho.

“Ninasema sitamung’unya maneno, mimi nafikiri, baada ya kusikiliza mikutano michache ambayo nimeweza kusikiliza, na baada ya kuona clips mbalimbali kwa sababu siku hizi unaweza kuishi kwenye mwezi lakini ukapata taarifa ya kila mahali. Kwa hiyo mimi Napata taarifa kokote nilipo.

“Kwa kutazama yote hayo, mimi ambaye nimeendesha mapambano ya ufisadi ninatafuta rais ambaye atatuondoa kwenye ufisadi. Sasa aliyeniridhisha kwenye mapambano hayo baada ya kuona vigezo ni Magufuli. Sina njia nyingine ni lazima nichague mmoja. Na kumbuka tunapochagua rais hatuchagui vyama.. na haina maana kwamba mimi ni CCM, sina chama,

“Na tunapokwenda kwenye chumba cha kura tukumbuke tunamchagua kiongozi wa nchi, tusiangalie huyu ni wa chama gani. Je anatufaa au hatufai, anatufaa kwa nini. Kwenye vigezo vya rushwa, Magufuli nampa asilimia 90.”

Kadhalika, Dk. Slaa alieleza kuwa amekuwa akisikiliza sera za wagombea hao lakini anaona mgombea urais wa Chadema, Edward Lowassa anatoa hotuba isiyozidi dakika 10 bila kufafanua zaidi hivyo anaona hafai kuwa rais.

Dk. Slaa alitangaza kustaafu siasa baada ya kujiuzulu nafasi ya Ukatibu Mkuu wa Chadema na kuachana na chama hicho kwa kile alichokieleza kuwa ni hakuridhishwa na uamuzi wa chama chake hicho cha zamani kumpokea Edward Lowassa.

Hata hivyo, Dk. Slaa alikiri kuwa yeye ndiye aliyepeleka wazo la kumkaribisha Lowassa kwenye chama hicho baada ya jina lake kukatwa na CCM mjini Dodoma na kunyimwa nafasi ya kugombea urais.

Dk. Slaa alieleza kuwa wazo hilo alilitoa kwa Askofu Josephat Gwajima wa Kanisa la Ufufuo na Uzima, ambaye alimtaja kama ‘mshenga’.

Juzi, akiwa katika jimbo la Karatu, Dk. Magufuli alimsifia Dk. Slaa na kumuita mtu safi na shujaa.
3

Magufuli Aigeuzia Kibao Taasisi ya Utafiti Iliyompa Ushindi wa Urais..Adai Amepunjwa Asilimia

Kahama. Mgombea urais wa CCM, Dk John Magufuli amesema waliofanya utafiti wamempunja asilimia kwani ana uhakika wa kushinda kwa asilimia 95 na si 65 kama zilivyotajwa kwa kuwa wananchi wanampenda, naye yuko tayari kufanya kazi ili kuwaletea maendeleo.

Akizungumza jana mjini Kahama, Dk Magufuli alisema: “Wapo wanaosema nimeshinda kwa asilimia 65, mimi ninasema nitashinda kwa asilimia 95, ninachoomba mjitokeze kwa wingi siku ya kupiga kura ili nitangazwe mshindi, ninawaahidi kwamba nitawatumikia na kujenga Tanzania mpya.”
Hivi karibuni, taasisi ya Twaweza ilitoa utafiti wake uliompa nafasi ushindi wa asilimia 65 huku mpinzani wake, Edward Lowassa akipata asilimia 25 na mgombea wa ACT –Wazalendo akipata asilimia 0.3.
Baadaye, taasisi ya Ipsos (Synovate) ilitoa utafiti wake ukionyesha kwamba alishinda kwa asilimia 62 huku Lowassa akipata asilimia 31 na Anna Mghwira akipata asilimia 0.3.
3

Kati ya Magufuli na Lowassa, ni Nani atatufaa Kwa siasa za Nje?

“Msifanye mabadiliko kwa pupa kama watu wa Libya. Walimuondoa madarakani rais Saddam, hapana rais Gaddafi maana Saddam alikuwa rais wa Kuwait!!”.

Sikuamini masikio yangu kwamba haya ni maneno yaliyotoka kinywani mwa mgombea urais kwa tiketi ya Chama cha Mapinduzi (CCM), Dk John Pombe Magufuli.

Alikuwa akiongea na wananchi wa Tanga katika mkutano wa kampeni akiwahadharisha Watanzania wasivichague vyama vya upinzani, kwa lengo la kufanya mabadiliko kwa sababu kufanya hivyo ni kuchagua bora mabadiliko wakati mabadiliko bora yatapatikana.

Nia yangu siyo kumfedhehesha mgombea huyu anayesifika kwa uadilifu na uchapakazi, lakini hivi kuna asiyejua kuwa Saddam Hussein hakuwa rais wa Kuwait bali Iraq? Kila mtu anajua hivyo, nashangaa tu kwamba mgombea wangu wa urais ama kweli hajui hili au hayuko makini katika masuala ya kimataifa.

Ninachokusudia ni kujaribu kuwahadharisha Watanzania kwamba zama hizi rais wa nchi haongozi ndani ya mipaka ya nchi hiyo pekee, bali anakuwa kiungo muhimu kati ya nchi yake na jamii ya kimataifa katika ulimwengu huu ambao sasa ni kama kijiji.

Moja ya mafanikio ya rais wa nchi yeyote ile duniani ni jinsi gani anazicheza karata zake kwenye medani ya kimataifa. Siasa za kimataifa siku hizi ni mchezo hatari, kiasi kwamba kama rais hazijui vizuri siasa za kimataifa kuna hatari ya kushindwa kutekeleza ilani na sera za chama chake awapo madarakani, kwa sababu ya misuguano na wale waitwao washirika wa maendeleo ambao ni nchi zilizoendelea.

Ukubwa wa hatari hii unazidi pale nchi yetu inapoingia katika uchumi wa mafuta na gesi asilia. Rasilimali mbili hizi zimeyaingiza mataifa yenye rasilimali hizo katika machafuko.

Kwa mujibu wa andiko, Oil and Diamonds as causes of civil war in sub-Saharan Africa, rasilimali ya mafuta na gesi zinaweza kuitia nchi katika machafuko. Lakini hilo hutegemea wingi wa rasilimali hiyo, sera na mikataba ya nchi husika kwa mataifa na mashirika wahitaji wa rasilimali hiyo kwa lugha rahisi wawekezaji.

Jingine ni uwezo wa kidiplomasia ya uchumi wa viongozi wa nchi yenye rasilimali kumudu hila, njama, migandamizo na vishawishi vya wawekezaji hao. Kwa maneno mengine, uwezo wa rais aliye madarakani katika kuongoza diplomasia na mataifa ya nje.

Mbali na rasilimali, uwezo wa rais katika diplomasia na mataifa ya nje ni mtaji muhimu katika kuvutia wawekezaji katika kile kijulikanacho kama mitaji ya moja kwa moja kutoka nje au ‘foreign direct investment (FDI)’, misaada mbalimbali kwa nchi na hata haiba ya nchi kimataifa.

Kwa kweli Rais wa Tanzania anayemaliza muda wake ameipaisha Tanzania katika medani ya kimataifa, ingawa mwishoni mwa utawala wake mataifa na wadau wa maendeleo walifikia kuzuia misaada yao kupinga kashfa mbalimbali, ikiwamo kashfa ya Tegeta Escrow iliyolitikisa Taifa.

Hatari iliyoko mkipata rais asiyejua changamoto zinazolikabili taifa katika siasa za kimataifa ni kuchukua maamuzi yanayoweza kuliingiza taifa katika hasara na hata katika migogoro ya ndani na nje.

John Perkins anaandika katika kitabu chake “The confession of an economic hitman” kwamba mashirika ya kimataifa hususan yale ya uchimbaji mafuta na gesi, huyaingiza mataifa katika lindi la madeni, umaskini na vita vya wenyewe kwa wenyewe.

Hapo ndipo unapoonekana umuhimu wa kuwapima wagombea wetu ili kuona ni nani anafaa kwa siasa za nje?
  
 Mwandishi wa makala katika gazeti mmoja litokalo kila siku hapa nchini, alimsifia Dk John Magufuli kwamba katika kipindi chake cha miaka 20 ya utumishi serikalini, amesafiri kwenda nje ya nchi mara nne !

Hii inaonyesha kuwa si mtu mbadhirifu kwani uchache wa safari za nje unathibitisha kuwa yeye siyo mwenye kufanya matumizi ya ovyo ovyo. Japo hili ni jambo zuri kwa upande mmoja, kwa upande wa kukuza uelewa wake katika medani za kimataifa, si jambo la kujivunia. Ziara za nje hupanua uelewa wa mtu katika diplomasia ya kimataifa.

Magufuli Vs Lowassa

Kupitia hotuba zake za kampeni mtu anaweza kupata wasiwasi juu ya uwezo wa Dk Magufuli kuhusu siasa za nje. Ule mfano wake maarufu wa kulinganisha mabadiliko ya Tanzania na yale yaliyotokea Libya umetoa picha hasi kwamba hajui vyema siasa za kimataifa.

Ukichanganya na kauli yake “mimi sifanyagi (sifanyi) siasa na kwa bahati mbaya naweza kuwa si mwanasiasa mzuri,” unapata shaka kama kweli atamudu siasa za kimataifa zilizojaa ulaghai, hila na mizengwe dhidi ya nchi changa. Ili kuwa rais zama hizi, inabidi uzijue vizuri siyo siasa za ndani bali hata zile za kimataifa.

Hili la kutokujua au kujichanganya kuhusu Saddam alikuwa rais wa nchi gani linaweza kuonekana jambo dogo, lakini kwa watu makini haiwezekani kwa mtu msomi wa kiwango cha uzamili tena aliyekuwa katika uongozi wa nchi kama waziri kwa muda mrefu, awe hajui Saddam alikuwa rais wa nchi gani. Ni dalili kwamba kuna upungufu mkubwa kwenye uelewa wa mambo ya kimataifa kwa mgombea wetu huyu.

Lowassa kwa upande wake hatujamsikia akizungumzia lolote kuhusu masuala ya kimataifa, licha ya kuwa amewahi kuwa Waziri Mkuu na waziri wa kawaida kwa miaka mingi.

Nafasi hiyo bila shaka ilimpa uzoefu fulani katika medani ya kimataifa, kwa kuwa Waziri Mkuu ni msaidizi wa karibu wa rais kwenye mambo yote likiwamo la ushirikiano wa kimataifa. Aidha, Lowassa amesafiri mara nyingi nje ya nchi jambo linalompa fursa ya uelewa mpana kuhusu masuala ya nchi za nje.

Katika kampeni zake, tumemsikia akisema “sitosubiri misaada kutoka nje”. Hii ni kauli nzito kwa kuwa nchi hizi changa kama Tanzania haziwezi kabisa kuepuka misaada kutoka nje, ingawa pia hazitakiwi kuwa tegemezi kwani zina rasilimali nyingi.

Kuwa kwake Mkurugenzi wa Kituo cha Mikutano cha Kimataifa Arusha (AICC), bila shaka kulimwezesha kukutana na wanadiplomasia wengi wa kimataifa wakiwamo mabalozi, mawaziri wakuu, makamu wa marais na hata marais waliowahi kuhudhuria mikutano ya kimataifa katika ukumbi huo.

Tukumbuke kwamba, mchakato wa Ushirikiano wa Jumuiya ya nchi za Afrika Mashariki, utakuwa unaingia katika kipindi nyeti cha ushuru wa pamoja wa forodha na mamabo mengine ambapo masilahi ya nchi yetu itabidi yalindwe ipasavyo.

Ni wazi marais wa nchi jirani wanasubiri kwa hamu ni nani ataibuka Rais wa Tanzania, nchi ambayo ‘kistratejia’ imekaa vizuri kuliko nchi zote za Afrika Mashariki, lakini isiyokuwa na mikakati mizuri ya kufaidika na uwepo wake kijiografia.

Mataifa na mashirika ya nje kama vile Umoja wa Mataifa, Umoja wa Ulaya na mengineyo yatakuwa yanafuatilia kwa karibu uchaguzi wa Tanzania. Kwa hiyo wakati tukishangilia kauli za wagombea kuhusu jinsi watakavyoendesha siasa za ndani ya nchi, tusisahau kuna siasa za kimataifa ambazo zinaweza kukwamisha hata mipango yetu ya maendeleo, iwapo rais atakayechaguliwa hatokuwa na uzoefu au uelewa wa kutosha. 
  
Mwandishi:Mpunta Wadinya; dinyampuntaz@yahoo.com
3

Magufuli Aahidi Tanzania Mpya Kama Atachaguliwa

Magufuli Akifanya Kampeni Mbeya
Mgombea wa Urais kupitia CCM, Dk John Pombe Magufuli amemaliza kampeni katika mkoa wa Njombe na kuwaomba Watanzania kumchagua kwa kuwa ana mpango wa kuijenga Tanzania mpya.

Dk Magufuli aliwaambia wakazi wa kijiji cha Mlangali wilayani Ludewa kuwa serikali za awamu nne zilizopita zilifanya makubwa kwa kuboresha mazingira ya maendeleo hivyo awamu yake itakuwa ni ya kukamilisha mabadiliko.

"Awamu ya kwanza ya Hayati Mwalimu Julius Nyerere ndiyo iliyoleta Uhuru kutoka kwa wakoloni na ukombozi wa kweli kwa kuunganisha makabila zaidi ya 121.

"Awamu za Mzee Ali Hassan Mwinyi, Benjamin Mkapa na Rais Jakaya Kikwete hizi nazo zimefanya makubwa kwa kuendelea kutuweka pamoja kwa amani bila kupigana na kujenga barabara kama hizi japo za vumbi lakini zinapitika, " alisema Dk Magufuli.

Alisema kutokana na mafanikio ya Serikali zilizopita, awamu ya tano itakuwa ni ya maendeleo ya barabara, umeme, viwanda, elimu, maji, afya, ajira na kuboresha mazingira ya wafanyakazi na wakulima.

Kauli ya mgombea huyo inakuja siku moja baada ya mgombea wa Urais wa Chadema kupitia mwamvuli wa Umoja wa Katiba ya Wananchi (Ukawa), Edward Lowassa kuahidi juzi kuwa iwapo atapitishwa, Serikali yake itakuwa ni ya mabadiliko na ukombozi.

Dk Magufuli alisema atakuwa rais wa Watanzania wa dini na vyama vyote.

3

Magufuli Apata Wakati Mgumu Kuwanadi Wabunge

Mgombea wa urais kupitia CCM, Dk John Magufuli ameanza kuonja shubiri ya kuwanadi baadhi ya wabunge wa chama hicho baada juzi, akiwa Kalambo mkoani Katavi, baadhi ya wananchi kuguna pale alipompandisha jukwaani mgombea ubunge wa jimbo hilo, Josephat Kandege.

Baada ya kuona hali hiyo, Dk Magufuli alisema: “Nawaombeni jamani, hatuchagui malaika, kila mtu ana tatizo lake. Inawezekana wengine mmechoka hata kumwangalia, lakini mkitaka mimi nifanye kazi vizuri nileteeni huyu bwana,” alisema akimnadi mgombea huyo.

Kwa nyakati tofauti tangu aanze kampeni mikoani, mgombea huyo amekuwa akiwaambia wananchi kuwa baada ya kumchagua yeye, wawachague wabunge hao na kuwasamehe makosa yao ili apate urahisi wa kuunda Serikali na kuleta maendeleo.

Alisema anatambua wakati wa mchakato wa kura za maoni, kulikuwa na wagombea wengi wa ubunge lakini wananchi wasife moyo kwa sababu kuna kazi nyingi za kufanya iwapo atachaguliwa kuwa rais.

Ili kumaliza kabisa miguno iliyokuwapo, Dk Magufuli alimwita mmoja wa waliokuwa wagombea wa ubunge ili kuwaeleza kuwa anamuunga mkono Kandege na alipopanda jukwaani na kusalimia wananchi walimshangilia kwa nguvu.

Akiwa Sumbawanga Mjini juzi, Dk Magufuli alimnadi mgombea ubunge wa jimbo hilo, Aeshi Hilaly kwa kumuita jembe huku akiwataka wananchi “wampigie tena kura hata kama amewakosea.”

“Nimesema hatuchagui malaika kila mtu ana kasoro zake. Tuache kasoro, tuangalie maendeleo. Nataka Sumbawanga muwe maalumu mkinichagulia huyu (Aeshi),” alisema Dk Magufuli wakati akihutubia katika Uwanja wa Nelson Mandela juzi.

Katika Jimbo la Kwela – Rukwa, aliwataka wananchi wamsamehe mgombea ubunge, Ignas Malocha kwa makosa aliyowatendea na kuwa atafanya kazi vizuri kwenye utawala wake.

“Msianze kugombana baadaye mkakosea kwa kumchagua mtu mwingine kwa sababu nahitaji mtu atakayeniambia shida katika wilaya yake.

"Hatuchagui malaika ndugu zangu, hatuchagui sura, hata mimi sura yangu ni mbaya sana na nywele zinatoka lakini Watanzania wamenichagua,” alisema Dk Magufuli akiwa katika Kijiji cha Laela.

“Tumsamehe, tumjaribu afanye kazi mimi nikiwa rais tuone kama hatafanya kazi vizuri.”

Kauli hiyo ya kumnadi Malocha ilijitokeza tena alipokuwa Kata ya Lusaka aliposema wampigie kura hata kama amewakosea, wamsamehe ili apate kiunganishi kwani asipopita atashindwa kufanya kazi.

“Wewe nenda tu hata kama humpendi fumba macho lakini umpigie nani?” aliuliza Dk Magufuli na kujibiwa “Malochaaa”

Baadhi ya wakazi wa Laela walimwambia mwandishi wetu kuwa wanampenda Dk Magufuli lakini Malocha hajawatekelezea ahadi nyingi alizotoa.

Akiwa katika Jimbo la Momba mkoani Mbeya, Dk Magufuli alimpigia kampeni kwa muda mrefu mgombea wa CCM, Dk Lucas Siame na madiwani wa eneo hilo na kuwataka wananchi wasifanye makosa safari hii, bali wachague chama tawala.

Akihitimisha ziara yake mkoani Rukwa, Dk Magufuli aliahidi kuanzisha mamlaka maalumu ya kusimamia masilahi ya polisi.

Akizungumza na wakazi wa Mji wa Laela, Dk Magufuli alisema anataka kuboresha masilahi ya askari ili waache vitendo vya rushwa na kudhibiti wimbi la majambazi na wizi... “...unamwona huyo ofisa amekonda kama mimi ni kwa sababu anafanya kazi,” alisema Dk Magufuli huku akimwonyesha mmoja ya polisi waliokuwapo mkutanoni hapo.

Alisema atawaongezea mishahara hata wafanyakazi wengine ili waweze kufanya kazi kwa ufanisi na kuondoa vitendo vya kutamani rushwa na kuwaonea wanyonge.

Tofauti na siku tatu zilizopita, msafara wa mgombea huyo ulisimama mara nyingi kusalimia wananchi, hasa baada ya baadhi ya wanavijiji kufunga barabara ili awasalimie.

Hata hivyo, aliposimama katika Kijiji cha Ndalambo wilayani Momba jana, kilizuka kikundi cha vijana wasiozidi 40 na kuanza kunyoosha vidole kwa alama ya V inayotumiwa na Chadema na wakati Dk Magufuli akiendelea kumwaga sera kikundi hicho kiliendelea kupiga kelele na kupinga baadhi ya ahadi kuwa hataweza kuzitekeleza huku wengine wakisema “Lowassa, Lowassa.”

Hata hivyo, mgombea huyo hakuwajali na kuendelea kuwahutubia waliokuwa wakimsikiliza na kumshangilia hasa aliposema ataunda Serikali na kuleta maendeleo ambayo hayatabagua watu kwa itikadi za vyama, dini, makabila wala mahali watokako.

Katika eneo la Tunduma alipata mapokezi makubwa hadi akasema: “Mapokezi haya ni ya hatari, ni tsunami. Kama ni ya namna hii leo nitalala kwa raha.” 3

Magufuli Akataa Kumia Helikopta.......Asema Atatumia Gari ili Azijue Kero za Wananchi

MGOMBEA urais wa CCM, Dk John Magufuli amesema katika sehemu kubwa ya kampeni yake, atatumia zaidi usafiri wa barabara ili apate fursa ya kuzijua kwa karibu kero za wananchi katika maeneo mengi ya nchi.

Hata hivyo, alifafanua kuwa kwa maeneo mengine yenye ulazima wa kutumia usafiri mbadala, anaweza kufanya hivyo, lakini dhamira yake ni kutumia zaidi barabara. Aidha, amezitaja sifa ya waziri ajaye wa ujenzi, ambaye atarithi wizara aliyoitumikia kwa miaka 15, iwapo atachaguliwa kuwa Rais wa Jamhuri ya Muungano wa Tanzania.

Akizungumza katika mkutano wake wa kwanza tangu kuzinduliwa kwa kampeni za chama hicho katika Kijiji cha Mishamo, kilichopo Kilometa 150 kutoka mkoani Katavi, Dk Magufuli alisema amekataa kutumia helikopta katika baadhi ya sehemu atakazofanya ziara, ili kujionea mwenyewe kero ya barabara inayowakabili Watanzania.

Moja ya barabara alizoahidi kujenga ni pamoja na kutoka Tabora mpaka Mpanda, ambayo ina kilometa zaidi ya 356 na ya Mpanda mpaka Uvinza yenye urefu wa karibu kilometa 190.

Kwa mujibu wa Magufuli ambaye amejipatia sifa ya uchapakazi katika wizara hiyo, kazi ya kwanza atakayofanya atakapochaguliwa kuwa rais, ni kuteua Baraza la Mawaziri kwa mujibu wa Katiba.

Amesema kutokana na kazi kubwa ya ujenzi wa barabara iliyopo mbele yake, Waziri ajaye wa Ujenzi ni lazima awe na uwezo wa kuchapa kazi kuliko yeye, na kuongeza kuwa atamsimamia yeye mwenyewe kuhakikisha anatekeleza majukumu hayo.

Akizungumza kijijini Mishamo, Magufuli pia aliwahakikishia wananchi wa maeneo hayo, ambao baadhi yao waliokuwa wakimbizi waliotoka Burundi wakati wa machafuko ya mauaji ya kimbari, lakini wakapewa uraia wa Tanzania, kwamba uongozi wake utaheshimu na utawatambua kuwa wao ni Watanzania.

Huku akizungumza lugha mbalimbali ikiwemo Kiha, Kifipa na Kirundi, Magufuli pia aliahidi kujenga shule katika kata ambazo zimegawanywa na kujikuta zikitegemea shule moja ya sekondari, kutatua kero ya maji na umeme.

Magufuli alisema waziri atakayemteua wa umeme, akishindwa kupeleka umeme Mpanda, atoke mwenyewe huku akisema atakuwa rais wa wanaChadema, wana ACT, wana CUF na wasio na chama kwa kuwa maendeleo hayana chama.

Kuhusu reli, alisema atajenga reli ya kisasa na uwezo wa kufanya hivyo anao, ikiwemo katika kuzuia mafisadi wasitumie fedha za umma kwa kuunda Mahakama ya Maalumu ya Kushughulikia Rushwa.

Takwimu za mtandao wa barabara wakati Tanganyika, sasa Tanzania Bara ikipata Uhuru mwaka 1961, uongozi wa mkoloni uliokaa tangu miaka ya 1884 na 1885 mpaka 1961, uliacha mtandao wa barabara za lami wenye urefu wa kilometa kilometa 1,360.

Lakini katika uongozi wa miaka 10 tu ya Serikali ya Awamu ya Nne, mtandao wa barabara za lami uliojengwa na kukamilika una urefu wa kilometa 5,568 katika barabara kuu na kilometa 535, kwa upande wa barabara za mijini.

Mbali na kumalizika kwa miradi hiyo ya barabara ambayo sehemu kubwa ilisimamiwa na Dk Magufuli, kilometa zingine 3,873 ziko katika hatua mbalimbali za ujenzi, huku barabara zingine za umbali wa kilometa 4,965 zikiwa zimeshafanyiwa upembuzi yakinifu na kilometa nyingine 3,336 zikiendelea kufanyiwa upembuzi yakinifu.

Katika hatua nyingine Waziri Mkuu, Mizengo Pinda, amemsifu Magufuli kwa uchapakazi wake na kusema CCM baada ya kufanya mchakato wake, imempata Magufuli na katika hilo, hakikufanya makosa.

Alisema Magufuli ni mwanamume wa shoka na wengine wanamuita jembe na kuongeza kuwa kwa zaidi ya miaka 20 aliyomfahamu Magufuli, ana hakika akipata urais, kila mtu atafahamu ni jembe kutokana na uwezo wake.

Pinda, ni mmoja wa makada hodari wa CCM waliotia nia kuusaka urais wa Tanzania kwa tiketi ya chama hicho tawala, lakini hata baada ya kukwama kuteuliwa, ameendelea kuwa imara katika chama hicho. 3

Ushindi wa Urais Kwa John Magufuli Utaletwa na Ukawa Wenyewe

Kwa muda mrefu nimekua nikifuatilia pilika pilika za vyama vya siasa kuelekea October ambapo utafanyika uchaguzi mkuu, na kupata rais wa awamu ya tano. Kwa mtazamo wangu ukawa watashindwa vibaya na Mh. John Pombe Magufuli. Sababu kubwa ninazoziona ni hizi hapa.

1. Ukawa ikiongozwa na chama kikuu cha upinzani kimekosa sura ya kitaifa
Kwa kiasi kikubwa viongozi wa ukawa hususani chadema kilichotoa mgombea urais kimekosa sura ya kitaifa. Viongozi wengi wa chadema wanatoka kaskazini, hii ni weakness kubwa sana kisiasa,, chama cha siasa kwa mazingira ya Tanzania kama kinataka kuchukua dola ni sharti kiwe chama cha siasa chenye sura ya kitaifa ili kipate support kutoka sehemu mbalimbali ya jamhuri ya muungano.

2. Dhana mfu ya mabadiliko
Kwa mtu mwenye civic competence kubwa na anauwezo mkubwa wa kuchambua mambo atakubaliana na mimi hakuna uhusiano wowote wa maana kati ya kubadili chama ili upate mabadiliko, nakubali kabisa kua na upinzani wenye nguvu ni kitu bora katika kujenga utawala bora lakini uhusiano na mabadiliko ni mdogo au hakuna kabisa. Nitatoa mfano: Japani toka mwaka 1955 kimeongozwa na chama kimoja cha siasa LDP TOKA mwaka 1955 mpaka 1993 kikatolewa madarakani kwa mda wa miezi 11 kikarudi tena madarakani mwaka 1994 mpaka 2009 kikatoka tena madarakani, mwaka 2012 kikarudi tena mpaka leo. LPD ndio chama kilicholeta mabadiliko makubwa ya kiuchumi kutokana na sera nzuri za kujenga uchumi. Chama cha kikomunisti cha China kimekaa mda mrefu sana na CHINA ipo hapo ilipo leo.

Tatizo kubwa la UKAWA ni kudai mabadiliko kwa kuwaaminisha wananchi kwamba CCM ikitoka madarakani maisha yatakua mazuri. Kuna tofauti kubwa ya ahadi, kwa maana ya kuleta mabadiliko na kuja na mikakati mizuri ya kiuchumi na kijamiii ili waaminiwe kuongoza nchi, sera zao hazieleweki na wanatumia matatizo ya vijana kwa kuwadanganya kua maisha yatabadilika CCM ikitoka madarakani.

3. Udhaifu wa Mgombea wa UKAWA
Ukawa nawamgombea urais dhaifu, hana uwezo wa kujenga hoja na haelezi vitu vya msingi ili kujenga uchumi na taifa hili na kuleta hayo “MABADILIKO” Lowassa kwa mda mrefu jukwaani ameshindwa kujieleza vizuri, amekua haelezi nini atafanya zaidi ya kuhamasisha vijana wadai mabadiliko, LOWASSA NI DHAIFU SANA KUJENGA HOJA UKILINGANISHA NA JOHN MAGUFULI, hili litawaletea matatizo makubwa mbele ya safari kampeni zikipamba moto c z magufuli anauwezo mkubwa wa kujenga hoja na kuitetea vizuri.

Naomba kuwasilisha.

Maoni Huru Kutoka Kwa Manelezu3
Related Posts Plugin for WordPress, Blogger...

Like Ukurasa Wetu Wa Facebook Hapa Chini

 
Support : Gallos official blog | Gallos official blog | Gallos official blog
Copyright © 2011. Gallos official blog - All Rights Reserved
Modified by Yuvinusm
Powered by Blogger
Tricks and Tips