Yaya Toure balozi mpya wa Airtel Rising stars ! info zote ziko hapa

 

Na taarifa ikufikie kwamba Airtel Rising Stars imerejea tena kwenye headlines na itatambulishwa rasmi Jumatano ya 17 June 2015 Dar es Salaam ikiwa inasimamiwa na kampuni hii inayoongoza kwa ubora katika nchi 20 za Asia na Afrika.

Airtel Afrika imemtangaza rasmi Yaya Toure kuwa balozi mpya kwa ajili ya kampeni mpya itayotambulishwa Afrika ambapo ushirikiano kati ya Airtel na kapteni huyo wa Ivory Coast na kiungo wa Manchester City utaanza rasmi katika uzinduzi wa kampeni mpya ya “It’s Now” yenye lengo la kulea na kukuza vipaji barani Afrika.

Ni kukuza vipaji kupitia nyanja mbalimbali kama vile michezo, ikijumuisha mashindano ya Airtel Rising Stars kwa vijana chini ya umri wa miaka 17 ambayo mwaka huu yanatarajiwa Dar es Salaam, Jumatano, Juni 17 sehemu nyingine ambazo kampeni hii itazigusa ni kama vile mfumo mzima wa maisha na muziki ambapo wateja watapata ufumbuzi wa masuala mbalimbali ya kiteknolojia ili kuona fursa zinazowazunguka.

Mkurugenzi mtendaji wa Airtel Afrika, Christian de Faria amesema hii kampeni inadhihirisha nia ya dhati ya kampuni ya Airtel katika kuwaunga mkono vijana wa Afrika pia na kukuza fursa mbalimbali za kiuchumi.

Akizungumzia ushirikiano wake na Airtel, Toure amesema, “katika kipindi chote ambacho nimetumika katika tasnia ya soka, nimekuwa ni mwenye bahati kubwa sana kupata mkataba huu kutokana na mafanikio niliyoyapata uwanjani, hata hivyo, najua kwamba unawezakucheza katika kiwango cha juu endapo utajitolea kwa asilimia 100 uwanjani. “It’sNow” ni kampeni ambayo ipo moyoni mwangu kwani inalenga kuwaamsha vijana wa Afrika kuchangamkia fursa zinazowazunguka ili kuwa na maisha bora.

Ninajivunia sana kufanya kazi na Airtel ambayo inafika maeneo mengi ya Afrika ili kuwapa ari vijana watu wengi, Kwa upande wake, Colaso alisema, “Kwetu sisi hapa Tanzania kampeni hii ya It’s Now inaenda bega kwa bega na progamu ya Airtel Fursa ambayo ilizinduliwa mwezi Mei mwaka huu, pamoja na Airtel Rising Stars ambayo
inatarijia kuanza wiki hii. Tuna imani kubwa kuwa vijana wetu hapa nchini watakuwa na ari kubwa kutokana na uwepo wa Toure katika kampeni hii itakayojumuisha masuala ya michezo, maisha pamoja na muziki.

Tunawaasa vijana wenye nguvu na nia ya dhati kuikimbilia fursa hii ili kujikwamua wao wenyewe pamoja na familia zao, ushirikiano huu utampelekekea Toure kuunga mkono shughuli  za kijamii hasa kuwawezesha vijana kupata maendeleo.

Ikiwa imeingia barani Afrika tangu mwaka 2010, Airtel Afrika imekuwa ikijiongezea wateja kufikia zaidi ya watu milioni 70.Kwa sasa Airtel ndio kampuni inayoongozwa kwa huduma bora za internet aina ya 3G katika nchi 17, huku pia ikitoa huduma z kifedha kwa njia ya simu za Airtel Money. 

  Gallos Official Blog
Chanzo millard ayo.com

WEKA MAONI YAKO HAPA CHINI